MUNDUA (KREAZIOA) ZAINTZEN

 Hasiera liburuan horrela esaten da: “Eta Jainko Jaunak egindako guztia ona zela ikusi zuen. KREAZIOA sortua zegoen Jainkoaren irudiko” (Has.1,31)

Gaur mundu hobearen alde lan egiten dutenak gogoratuko ditugu. Esker on berezia merezi dute ingurumenaren degradazioak munduko pobreenen bizitzetan dituen ondorio lazgarriak konpontzeko gogor borrokatzen direnek.

Gaurko gazteek aldaketa eskatzen digute. Beren buruari galdetzen diote nola den posible etorkizun hobe bat eraiki nahi izatea, ingurumenaren krisian eta baztertuen sufrimenduetan pentsatu gabe.

Jarraian ikusiko dugun bideoak, irudi eta lekukotasunen bidez, planetari eragiten dioten gaitz askoren kausak eta ondorioak aztertzen ditu, baita Manos Unidas erakundeak bertako bazkideekin batera egiten dituen proiektuek ematen dituzten bizi- eta itxaropen-konponbideak ere.

HIRU, BI, BAT KREAKZIOA! Planeta zaindu dezagula guztiok!

Garrantzitsua al da pertsonak eta mundua zaintzea? Zer uste duzu gerta daitekeela gauzak aldatzen ez badira? Zein mundu imajinatzen duzu hurrengo 10 urteetan?

LESTONNAC TALDEAK 2023-24

 

Urte Berri On guztioi

Urte Berri On guztioi eta ongi etorri!

Gabonen eta Urteberriaren ondoren, aukera berri bat izan dezakegu geure buruaz zerbait partekatzeko.

Joan ebanjelariak honela dio: “Jesusek zioen ikasleak garela jakiteko seinalea elkarri diogun maitasuna dela.” (Jn.13,35)

Eguberriak igaro dira. Urte berri hau ontasunez, edertasunez eta egiaz bete dezagun. Bakea, maitasuna eta batasuna munduko leku guztietara eraman ditzagun.

Urte berri honetan bizitzeko pista batzuk:

…zure inguruan gertatzen denaz jabe zaitez.

…zure ingurukoen sufrimenduarekiko adi egon zaitez eta lagun izan zaitez.

…denbora bilatu aspalditik ikusten ez duzun norbait bisitatzeko.

…Kanpaina solidarioetan parte har ezazu.

…inguratzen zaituen giroa alai ezazu.

…irribarre zabal batez bete ezazu zure aurpegia.

…otoitz egin, jan eta maita ezazu.

Jarraian bideo bat ikusiko dugu. Gabonetako OPARIen inguruan gogoeta egiten du. Zer gauza merezi dute oparitzea Gabonetan?

Esperimentu sozial honek 27 gazteri Gabonetako opariak aldarazi zizkien. Zuk aldatuko zenuke oparia? Zer gauza merezi dute oparitzea?

EGUBERRI ON!

 

GABONAK HEMENTXE GAUDE

 San Paulok horrela esaten zuen:

“Beraz, aukera dugun heinean, on egin diezaiegun denei, eta gehienbat fedearen familiakoei”. (Gal.6,10)

Abendualdia GABONAK baino lau aste lehenagoko garaia da. Jesukristoren etorreraren itxaronaldi liturgikoa da. Itxaropenez prestatzeko aukera bat da. Jesusen jaiotza ospatzeko eta ikusteko aukera bat da. Gure eguneroko bizitzaren orainaldian "Jesusen presentzia" gugan dagolea ikusteko aukera bat da.

Ikasturte honetan uler dezakegu KREAZIOA zaintzeko konpromiso-haziak ereiteko garaia dela. Benetako Gabonak pasioz bizitzeko prestatu nahi dugu bai KREAZIOA zaintzen bai GURE INGURUKOAK zaintzen.

Zatoz, Jesus Jauna, egiguzu gero eta pertsona itxaropentsuagoak bakez betetako mundu baten alde. Utzi munduari zure itxaropen-argiaren parte izaten.

Hiru, bi, bat… KRE-AKZIOA! GABONAK ongi bizi ditzagula!

-Zer da ABENDUALDIA? Zertara ospakizun hau?

-Noiz izan zaitezke ARGIA besteentzat?

-BIZITZAren BIDEAN, zergatik ESKERRAK eman?

ABENDUALDIAN GAUDE

Lukas ebanjelariak honela esaten digu Jesusi buruz:

“Alaitasuna eta poza izango dituzu, eta asko poztuko dira JESUS jaio delako.“ Lk 17,11-19

Ba la dakizu zein garaia ospatzen ari garen elizan? ABENDUALDIAN gaude. BIDEA egiten ari gara eta bide horretan JESUSEN JAIOTZA prestatzen ari gara. Abendualdia BILATZEKO garaia da, Jesusen ETORRERA prestatzeko garaia da.

Pentsa ezazu une batez, noiz dago Jesus gure inguruan? Zure inguruan alaitasuna jartzen baduzu… Inor irribarrez zuregana hurbiltzen bada… Beharrean dagoenari laguntzen badiozu… Bakarrik dagoenari hurbiltzen bazara… Eguneroko lanetan inor laguntzen badizu… Egoera guzti horietan Jesus jaiotzen ari da.

Geure baitan dago Jesus gure bihotzetan egunero eta momentu guztietan jaiotzea. Zure inguruan ARGIA jartzen baduzu, Jesus hor dago.

Hiru, bi, bat… KRE-AKZIOA! ARGIA izan zaitezela besteengana!

Euskararen Nazioarteko Eguna

Duela 72 urtetik hona, Euskal Herriko herritarrek urtero izaten dute Euskararen Nazioarteko Eguna abenduaren 3an.

Egun honen helburua Europako hizkuntzarik zaharrenetako bat bizirik mantentzea da, bere ondarea gal ez dadin eta munduan zehar sakabanatuta dauden euskaldunek beren sustraiak beti gogoan izan ditzaten.

1949ko abenduaren 3an ospatu zen lehen aldiz. Garai hartan, Espainiak zituen arazo politikoak zirela eta, festak Ipar Euskal Herria eta munduko beste eskualde batzuk bakarrik hartu zituen, hala nola Mexiko, Caracas, New York eta beste latitude geografiko batzuk.

Zergatik ospatzen da euskararen eguna abenduaren 3an?

Euskal Ikasketen Elkarteak Xabierko San Frantziskoren omenez hautatu zuen egun hau. Misiolari hori Nafarroan jaio eta Txinan hil zen, eta bizitza osoan hainbat hizkuntza ikasi zituen bidean zeuden pertsona guztiak ebanjelizatzeko. Hala ere, 1552ko abenduaren 3an hil zen, bere azken hitzak Euskal Herriko ama-hizkuntzan, euskaraz, esanda.

Hiru, bi, bat… KRE-AKZIOA! EUSKARA zaindu dezagula!